Ispiluaren beste aldean: Bostekoren aurkarien kronika.

Interneten arakatuz Bostekoren azken aurkariaren bloga topatu dugu. Eta interesgarria iruditu zaigu lehengo larunbateko partiduari buruz egindako kronika.

RUIBAL ALQUILERREK ASTINDUA JASO DU LEHEN SAILKATUAREN PISTAN

06-11-2013

95-51 galdu du Bosteko Irauliren aurka eta jaitsiera postuetan jarraitzen du

Ruibal Alquiler de Vehiculosek 95-51 galdu zuen Bosteko Irauliren aurka, iragan larunbatean Donostian jokaturiko Gipuzkoako Lehen Mailako 6. jardunaldiko partidan. Eibarko taldeak partida erdiz eutsi zion bakarrik liderraren erritmoari, eta atsedenaldiaren ondoren etxekoak goitik behera nagusitu ziren, aldea nabarmen handitzeraino. Porrot honekin Ruibalek sailkapeneko azken aurreko postuan jarraitzen du, partida bakarra irabazi duten beste bi taldeekin berdinduta.

Ruibalek bazekien Bostekoren aurkako partida ez zela erraza izango. Aurkariak zerbaitegatik zituen alde handiz irabaziak jokaturiko partida guztiak. Hala ere, Eibarko taldea ondo hasi zen, eta oreka mantendu zuen lehen laurdenean (23-30). Atsedenaldira ere bizirik iritsi zen (44-31), susperraldi baten esperoan. Baina ez, ez zen egon halakorik. Bosteko, ziur asko, Ruibalek azken urteetan izan duen aurkaririk onena izan da eta hirugarren laurdenean erabakita utzi zuen partida (71-41). Azken laurdena irekia izan zen, saskiratze trukaketa, eta etxekoek errenta are gehiago handitzeko baliatu zuten (95-51).

Ruibalen aldetik jokatu zuten: Mikel Arnaiz (8), Will Polanco (7), Mikel Lekunberri, Julen Altzibar (8), Ander Azkue (8) —hasierako bostekoa— Anderson Polanco (11) y Aitor Azurmendi (9).

Partzialak laurdenka: 22-20, 44-30, 71-41, 95-51.